martes, 27 de xuño de 2017

PREMIOS "DESCUBRE A IMAXINACIÓN"

Como clausura ao Proxecto Documental Integrado, "Descubrimentos e Inventos", coordinado pola biblioteca, quixemos premiar no festival de fin de curso os mellores traballos realizados polo alumnado en tres modalidades:
               - Premio ao mellor mural
               - Premio á mellor maqueta
               - Premio ao mellor traballo en formato dixital

Tamén agradecemos á profesora Susana Oubiña a súa colaboración coa biblioteca e a súa implicación neste proxecto.





                   
                Web Grupo UV
                Web Grupo Pegadas

domingo, 18 de xuño de 2017

AMORES (IM)POSIBLES DE LORENA PARADA

Lorena Parada Quintáns, alumna de 1º ESO do IES Castro Alobre, foi seleccionada como finalista no V Certame de Relato Curto organizado pola FANPA de entre os 804 relatos presentados.

Segundo as bases do Certame, o relato titulado Amores (im)posibles foi editado nun libro pola editorial Kalandraka xunto co relato feito expresamente para o certame polo escritor Xabier P. Docampo. Ademais os textos finalistas,como o de Lorena, publicaranse no Diario de Pontevedra no verán.

A entrega do exemplar do libro e o diploma de recoñecemento levouse a cabo nun acto no Auditorio do Pazo da Cultura de Pontevedra o pasado 30 de maio ás 19:00 horas.

Ana Castro


venres, 2 de xuño de 2017

BURBULLA CULTURAL

Deixámosvos un resumo das últimas actuacións na Burbulla Cultural. Pedimos desculpas pola tardanza e agradecemos a todos e todas, as que participastes, a vosa boa disposición para colaborar con nós. De certo, temos grandes artistas no instituto. Xa sabedes que, para o próximo curso, podedes dispor deste espazo para amosarnos as vosas habilidades.

Parabéns!


          

martes, 30 de maio de 2017

PAISAXES SONORAS NA/DA BIBLIOTECA

Agradecemos a Paloma,  profesora de Música, e ao alumnado participante nesta experiencia musical a súa boa disposición para mostrarnos o seu traballo na Burbulla Cultural da biblioteca.
Parabéns polo traballo ben feito!










xoves, 18 de maio de 2017

DÍA INTERNACIONAL CONTRA A HOMOFOBIA

BURBULLA CULTURAL


O xoves 18 de maio, no recreo, terá lugar na Biblioteca unha lectura de microrrelatos por parte de alumnado de 1º e 3º de ESO dentro do PDI dos Descubrimentos e Inventos.

Forman parte da actividade do departamento de Lingua galega e literatura :
Descubríndonos: inventos da vida cotiá. Trátase de recreacións literarias creadas polo alumnado, imaxinando como puideron ser inventados obxectos, ferramentas, utensilios... cos que convivimos no noso día a día.


luns, 1 de maio de 2017

BURBULLA CULTURAL: POESÍA

Este mércores, tres alumnas de 1º e 2º ESO lerán poemas de Fermín Bouza Brey. Convidámosvos a escoitalas na nosa Burbulla Cultural.



luns, 24 de abril de 2017

III COMPETICIÓN DE ROBOTS

Este venres, 28 de abril, terá lugar a III Competición de Robots da Universidade de Vigo. Susana Oubiña, profe de Tecnoloxía do noso instituto, estivo traballando moitísimo para participar neste campionato. Van ser seis os equipos que van competir: tres de 1º de bacharelato e tres de 2º ESO.
Estamos seguras de que o van facer moi ben e esperamos que consigan o premio. 
Déixovos o enlace ao seu facebook: 

Mentras tanto, vos presentamos ás criaturas, estes magníficos robots. E, como di Susana: Cross the fingers!

Moita sorte!









BURBULLA CULTURAL: CONTACONTOS


sábado, 22 de abril de 2017

DÍA MUNDIAL DO LIBRO 2017

Este ano lembramos a Gloria Fuertes no Centenario do seu nacemento e convidaremos ao alumnado e profesorado a uns Versos con sabor a Gloria.


venres, 21 de abril de 2017

GAÑADORAS DO CONCURSO DESCUBINVENTOS

Estas son as nosas gañadoras do Concurso DescuBinventos:

          1º premio: Patricia Cobo
          2º premio: Laura González
          3º premio: Lucía González

Parabéns e disfrutade do premio!



martes, 18 de abril de 2017

CONCURSO DESCUBINVENTOS: PREMIOS

Mañán, 19 de abril, ademais da Burbulla Cultural, faremos entrega dos premios do Concurso DescuBinventos. O primeiro premio é un vale de 120€, o segundo, de 90€ e o terceiro de 60€. Estes vales terán que canxearse nunha tenda de informática. 

Déixovos aquí os pseudónimos do alumnado gañador e toda a información da data e hora de entrega que tivemos que mirar para desfacer o desempate.

Esperámosvos no recreo na Biblioteca!




venres, 7 de abril de 2017

TI COLABORAS, TI INVESTIGAS

Rematada a campaña de recadación a favor da investigación da Biopsia líquida, o Equipo da Biblioteca quere agradecer a toda a comunidade educativa do IES Castro Alobre a súa implicación e colaboración nesta iniciativa. Consideramos que o diñeiro recadado é unha mostra de solidariedade e de apoio á investigación.

Queremos dar un agradecemento especial a "Telas Tule" que se ofreceu a colaborar con nós e, hoxe, nos fixo chegar o recadado no seu comercio.

Grazas, de novo, a todos e todas.





domingo, 2 de abril de 2017

TI COLABORAS, TI INVESTIGAS

O Equipo de dinamización da biblioteca decidiu apoiar a Campaña de micromecenado, Biopsia líquida, dentro do Proxecto Documental Integrado que coordina, "Descubrimentos e Inventos".

Baixo o lema "Ti colaboras, ti investigas" promove a recadación de fondos a cambio de marcapáxinas elaborados polo alumnado do centro. Esta campaña levarase a cabo durante a semana do 3 ao 7 de abril.

Animamos a toda a comunidade educativa a colaborar.


BURBULLA CULTURAL: ELLIOT CEDEÑO


sábado, 25 de marzo de 2017

CLUB DE LECTURA CURUXAINA

O venres 24 de marzo, o Club de Lectura Curuxaina do noso centro visitou o Salón do Libro Infantil e Xuvenil de Pontevedra. O lema baixo o que se celebra este ano o Salón é "O mundo que queremos" e na nosa visita, ademais de ver os traballos que presentaron os centros de ensino que participan nos Salón, reflexionamos sobre a felicidade, a diversidade, a comunicación e sobre a forma de estar neste mundo no que nos tocou vivir.
Tamén visitamos O Garaxe Hermético, a escola de banda deseñada de Kiko Da Silva. Este debuxante falounos do seu proxecto, de como coverteu un taller de motos na marabillosa escola que é hoxe en día. Comprobamos todo o que goza co seu traballo e saímos de alí coa sensación de que ás veces os soños se fan realidade.

Sira Vidal, profesora encargada do Club de Lectura

xoves, 16 de marzo de 2017

DESCUBRINDO A LITERATURA

A semana do 20 ao 24 de marzo adicarémola á Literatura. Estades todos e todas invitadas a participar nas actividades programadas. Poderemos escribir unha historia "Alobriño en busca do invento perdido" ou compartir aquel personaxe dun libro que sempre quixemos ser. Ademais, o Día da Poesía, o martes 21, podes ler un poema que che guste ou asistir, o mércores 22, a unha representación teatral a cargo do grupo de teatro de 1º ESO dentro da Burbulla Cultural.


Anímate a participar!



luns, 6 de marzo de 2017

INVESTIGADORAS EN DEFENSA DA IGUALDADE

Como cada 8 de marzo, a Biblioteca súmase á conmemoración do Día Internacional da Muller Traballora. Este ano, e dentro do noso proxecto "Descubrimentos e Inventos", quixemos lembrar a mulleres investigadoras. Desde logo, terían que estar moitas máis, pero esta é unha pequena mostra do traballo, moitas veces non recoñecido no seu momento, de grandes mulleres.


luns, 6 de febreiro de 2017

LENDO A...LEDICIA COSTAS

Un grupiño de 2º ESO, tras ler o libro de Ledicia Costas, Escarlatina, a cociñeira defunta, deu a súa particular visión acerca do mesmo. Esperamos que este traballo sexa unha invitación a súa lectura.




venres, 3 de febreiro de 2017

CADA OVELLA COA SÚA PARELLA

Esta primeira proba podedes resolvela indo á biblioteca ou mirando con atención estas imaxes. Lembrade que todas as probas saen os venres e o último día de entrega é o xoves seguinte. Non vos esquezades de poñer os vosos nomes e os alcumes e, cando entreguedes a proba, pedide o resgardo de entrega.
  Comeza a investigación. Boa sorte!
Hecho con Padlet

mércores, 1 de febreiro de 2017

DESCUBINVENTOS. COMEZA A INVESTIGACIÓN

Este venres, 3 de febreiro, comezamos un novo concurso  DescuBinventos .   Teredes que amosar os vosos coñecementos acerca dos descubrimentos, inventos, e, por suposto, das persoas que os crearon.

Estade pendentes! A investigación comeza todos os venres na biblioteca e os xoves, como moi tarde, esperamos os vosos resultados. Por cada proba iredes obtendo puntos. As puntuacións exporanse en Eureka. Quen máis puntos consiga obterá como premio 120 € para gastar nunha tenda de informática.

Lede ben as bases e Investigadores, Investigadoras está a punto de comezar...

DescuBinventos




DESCUBRINDO A XURXO MARIÑO

O 24 de xaneiro visitounos o biólogo Xurxo Mariño, para manter un encontro co alumnado de 1º de bacharelato. Entusiasmou a todos e todas as presentes coas vivenzas do seu longo percorrido polos cinco continentes.

O EDNL, que organizou este acto en colaboración coa biblioteca, fixo na súa páxina web un estupendo resumo do que foi esta xornada. Déixovos a ligazón na que podedes ver os acontecementos máis destacados da súa visita.


E, tamén, asinou no libro da biblioteca e un exemplar do seu libro Neurociencia para Julia.



sábado, 28 de xaneiro de 2017

BURBULLA CULTURAL: ALEJANDRO BARCALA

UXÍA PAZ

Uxía Paz, coa súa potente voz, deixou impresionado a todo o público que asistiu a súa actuación. Queremos compartir con todos e todas vós algunha das cancións que interpretou. Deixámosvos uns vídeos e unhas fotos.
Parabéns, Uxía, e esperamos volver a escoitarte nesta Burbulla Cultural.

Uxía Paz na BurbullaCultural from Biblioteca Castro Alobre on Vimeo.

Uxia Paz from Biblioteca Castro Alobre on Vimeo.

sábado, 14 de xaneiro de 2017

DESCUBRE ÁS MULLERES

Esta é a segunda muller que tedes que descubrir no noso concurso. Deixade a resposta na biblioteca e haberá un premio sorpresa para o gañador ou gañadora elixido por sorteo.
Boa sorte.

mércores, 11 de xaneiro de 2017

"CREMALLEIRA"

Antes do Nadal, entregamos o premio á gañadora do concurso "Un invento, unha historia". O texto seleccionado foi o de Laura Redondo. Paga a pena que o leades.
Parabéns!